Nakakamanghang Food Art mula sa Sashimi

Isa ka ba sa mahilig sa sashimi (Japanese food na gawa sa hilaw na isda o karne na hiniwa ng manipis)? Hindi mo lang ito matitikman kundi mamamangha ka sa sining gamit ang sashimi.

Isang culinary artist na nagngangalang mikyoui00, bagamat walang edukasyon tungkol sa sining, ay nais turuan ang kanyang anak tungkol sa ‘food preparation’ at nais rin niyang mahalin ito ng kanyang anak. (Kumbaga, like father like son o di kaya ay magkaroon sila ng ‘shared passion’.) Kaya naisip niyang gawing kakaiba at masaya ang pagtuturo niya at gumawa ng sining mula sa pagkain. Tinuruan niya ang kanyang anak kung paano ang tamang hiwa ng sashimi at ang pagtuturo niya ay naging masayang pag-aaral at nakagawa siya ng mga kamangha-manghang art pieces.