Si Ranger ay hindi kagaya ng ibang mga German Shepherds. Siya ay nakatadhanang maging maliit habangbuhay sapagkat siya ay may rare genetic condition na kung tawagin ay pituitary dwarfism. Ang pituitary dwarfism ay genetic disorder na kung saan ang pituitary gland ng katawan ay hindi nakakalikha ng sapat na growth hormones.Dahil sa kanyang kondisyon, ang dalawang taong gulang na si Ranger ay mas maliit kumpara sa ibang German Shepherd na kaedad niya at mukhang siya ay tuta lamang.
Dahil sa kakulangan ng growth hormones ay bumabagal o hinahadlangan ang paglaki. Ang ilan sa mga kadalasang sintomas ng dwarfism ay maiiksing mga binti, hindi karaniwang haba ng katawan, at hindi tumutubong buhok.
Nang inampon si Ranger, napansin ng fur parents niya na mas maliit siya kumpara sa ibang mga tuta ngunit hindi naman ito masyadong pinagtuunan ng pansin.
Ngunit, pagkatapos sumailalim sa treatment ng impeksyon at parasites, iminungkahi ng vet na baka siya ay may dwarfism.
Ginamot ng vet si Ranger sa loob ng ilang buwan at napansin niyang hindi ito nakaranas ng paglaki.
Ngayong 2 years old na siya, malinaw na tama nga ang vet. Hindi pa rin lumaki si Ranger at mukha pa rin siyang tuta.
Ang pituitary dwarfism ay genetic o namamana. Ayon sa mga may-ari kay Ranger, tingin nila, ang kondisyon ni Ranger ay namana niya sa kanyang mga magulang.
“Ang mga anak ni Ranger ay unang tuta na nai-breed ng aming breeder sa dalawang aso. Naniniwala kaming ito ang dahilan ng genetic defect. At bilang responsableng breeder, hindi na namin ibi-breed ulit ang dalawang aso.”
Habang si Ranger ay cute tingnan, ang kanyang kondisyon ay isang seryosong bagay. Ang mga aso na may pituitary dwarfism ay kadalasang nakararanas ng health issues dahil sa kanilang kondisyon.
Si Ranger ay nahihirapan sa kanyang thyroid issue na siyang dahilan ng pagkalagas ng kanyang balahibo at pagkawalang gana sa pagkain.
Sa kabutihang palad, si Ranger ay nakakatanggap ng gamot para sa kanyang thyroid. Tumutubo na ang kanyang balahibo, masigla, at ine-enjoy ang kanyang buhay.
Sa Q&A sa Instagram ni Ranger, inilahad ng kanyang fur parents na hindi na nga lalaki si Ranger.
Si Ranger ay may dalawang kapatid. Si Hazel na Labrador at Jessie na German Shepherd. Habang ang dalawa ay mas malaki kaysa kanya, hindi ito hadlang kay Ranger upang makihalubilo sa mga kapatid.
Si Ranger ay maliit ngunit may malaking puso at mahal siya ng kanyang mga magulang.
